ป่นปลาเข็ง

ป่นปลาเข็ง

หลังฤดูเก็บเกี่ยวข้าวนาปีแล้วบ้านเฮาชาวอิสานเพิ่นกะสินิยมพากันสูบปลาโดยเฉพาะนาผู้ได๋มีสระ มีฝาย กะสิชวนพี่ ชวนน้องพากันไปสูบปลา ปลาที่ได๋กะสิมากมายหลายปลาบ่ว่าสิเป็น ปลาข่อ ปลาดุก ปลาเข็ง ปลากิเดิด ปลาซิว อีกมากมายหลายปลา

ปลาที่ได๋กะแบ่งกันไปกินตามหรือบางเทื่อได้บ่หลายกะสิเอ็ดกินปันกันกิน ตามวิถีชีวิตของคนอีสานบ้านเฮา มื้อนี้ กะเลยนำเมนูเด็ดอีกเมนูหนึ่งมาแนะนำนั่นกะคือ ป่นปลาเข็ง ( แจ่วปลาเข็งหรือ ปลาหมอ ) นั้นเอง
ส่วนผสม ของป่นปลาเข็งเฮากะสิมี
1.ปลาเข็ง ( ปลาหมอ )
2.ปลาร้า
3.พริกสดหรือพริกป่น
4.ต้นหอม
5.น้ำปลา
6.ผงชูรส (แล้วแต่คนชอบ )
วิธีทำ
นำปลาเข็งมาเอาเกล็ดและขี้ออก ต้มน้ำให้เดือด แล้วก็ใส่ปลาร้าละกะพริกสดลงไปจักหน่อย พอน้ำเดือดกะใส่ปลาเข็ง ลงไปต้ม ปิดฝาหม้อต้มจัก 10 -15 นาที พอปลาสุกแล้วกะ ตักออกมาใส่จานแกะเอาแต่เนื้อ ตักพริกสดที่ต้มลงไปตำในครกพอแหลก ๆ จากนั้น กะเทเนื้อปลาลงไปตำ พอแหลกจักหน่อย กะเทน้ำต้มปลาลงไปผสม ปรุงรสด้วย น้ำปลา ต้นหอม ผงชูรส เล็กน้อย ถ้าอยากให้ป่นปลามีสีสัน จักหน่อย อาจสิใส่พริกป่นแทนพริกสดกะได้ หรือว่าตอนต้มให้ใส่หมากกอกนาน้ำต้มมันสิได้มีรสชาติหวานจักหน่อย.พอปรุงรสชาติได้ที่แล้วกะตักใส่จาน กินกับลวกผักได้เลย แม่นแท้ กับลวกผักกะเดา หรือ ปิ้งผักกะเดา กะแซบคะนาด